20.2.2019 న మాతృశ్రీ ఓరియంటల్ కళాశాల విద్యార్థినుల వసతి గృహంలో ఫిబ్రవరి 20 వ తేదీ బుధవారం అమ్మ ఆగమనోత్సవం కార్యక్రమంలో సంస్థ పెద్దలు శ్రీ యమ్. శరశ్చంద్రగారు, డా|| బి.యల్. సుగుణ గారు, బూదరాజు వాణి గారు తదితరులు సంస్థలోని వారు, కళాశాల అధ్యాపకులు పాల్గొన్నారు. విద్యార్థినులు అమ్మను పూజించుకున్నారు.
మాతృశ్రీ ఓరియంటల్ కళాశాల విద్యార్థినుల వసతి గృహంలో ఫిబ్రవరి 20వ తేదీ సోమవారం అమ్మ ఆగమన ఉత్సవం జరిగింది. నూతనంగా భవన నిర్మాణం చేసిన ఈ వసతి గృహంలో విద్యార్థినులు పచ్చని తోరణాలతో రంగవల్లులతో పుష్పాలతో అలంకరణలు చేసి అమ్మను భక్తిశ్రద్ధలతో అర్చించారు. కార్యక్రమంలో పలువురు సంస్థ పెద్దలు పాల్గొని విద్యార్థులను ఆశీర్వదించారు.
ఫిబ్రవరి 21వ తేదీ మంగళవారం రోజున విద్యార్థుల వసతిగృహంలో అమ్మ ఆగమన ఉత్సవం జరిగింది ఈ కార్యక్రమానికి అమ్మ సంస్థల వారసత్వ ట్రస్టీ శ్రీ బ్రహ్మాండం రవీంద్రరావు గారు టెంపుల్స్ మేనేజింగ్ ట్రస్టీ శ్రీ యమ్. దినకర్ గారు మరియు కమిటీ సభ్యులు డి. వి. యన్. కామరాజు గారు, ఐ. రామకృష్ణ గారు, యమ్. సాయిబాబా గారు, వి. బసవరాజు గారు పాల్గొన్నారు. విద్యార్థులు లలితా సహస్రనామ పారాయణ చేశారు.
అదే రోజు మధ్యాహ్నం మూడు గంటలకు కళాశాల లో అంతర్జాతీయ మాతృభాషా దినోత్సవ సభ నిర్వహించారు. కళాశాల ప్రిన్సిపాల్ డాక్టర్ ఆర్. వరప్రసాద్ గారి అధ్యక్షతన జరిగిన ఈ సమావేశంలో అధ్యాపకులు సంస్కృత ఆంధ్రభాషల ప్రాశస్త్యం గురించి వివరించారు. శాంతి మంత్రంతో కార్యక్రమం ముగిసింది. NAAC అవగాహన సదస్సు
మాతృశ్రీ ఓరియంటల్ కళాశాలలో ఫిబ్రవరి 13వ తేదీన NAAC విషయంలో పురోగతి సాధించుటకు విద్యార్థులతో, అధ్యాపక, అధ్యాపకేతర బృందంతో విడివిడిగా” అవగాహన సదస్సులు” ఏర్పాటు చేయుట జరిగింది. ఈ సదస్సులో ప్రధానంగా SVJP Trust సభ్యులు, College Development Committee Member శ్రీ. బొప్పూడి రామబ్రహ్మం గారు SVJP Temple Trust, Managing Trustee, Sri M. దినకర్ గారు, పాల్గొని NAAC ప్రాముఖ్యతను తెలియజేస్తూ అవసరమైన సలహాలు, సూచనలు అందజేయుట జరిగింది.
ధాన్యాభిషేకం
ఆధ్యాత్మిక క్షేత్రమైన జిల్లెళ్ళమూడిలో నాన్నగారి ఆరాధనోత్సవాలు ఫిబ్రవరి 17వ తేదీ. శుక్రవారం రోజున అత్యంత వైభవంగా జరిగాయి. ఈ సందర్భంగా తెలుగుదేశం పార్టీ బాపట్ల నియోజకవర్గ సభ్యులు వేగేశన నరేంద్ర వర్మ గారు, తదితర ప్రముఖులు విచ్చేసి అమ్మ, నాన్న గార్ల ఆశీస్సులు అందుకున్నారు. శ్రీ విశ్వజననీ ట్రస్ట్ ఆధ్వర్యంలో నడుస్తున్న మాతృశ్రీ ఓరియంటల్ కళాశాల విద్యార్థులకు పలువురు దాతలు విద్యార్థులను ప్రోత్సహిస్తూ నగదు బహుమతులను అందించారు. వారి వివరములు……
17th. ఫిబ్రవరి బహుమతుల వివరములు 2023
17-02-2023 వ తేదీన శ్రీ నాన్నగారి ధాన్యాభిషేక మహోత్సవము సందర్భముగా మాతృశ్రీ ఓరియంటల్ కళాశాలలో విద్యనభ్యసించు విద్యార్థినీ విద్యార్థుల విద్యాభివృద్ధికై ప్రోత్సాహకంగా వివిధ దాతలు ప్రకటించిన విరాళములకు గాను 2022-23 విద్యా సంవత్సరపు విద్యార్థుల ఎంపిక.
1. శ్రీ నండూరి నరసింహారావు రాజ్యలక్ష్మి దంపతుల స్మారక చిహ్నంగా శ్రీ నండూరి గోవిందరావు గారు విద్యార్థులకు ప్రదానము చేయు రజతపతకం తెలుగు మరియు సంస్కృతం డిగ్రీ స్థాయిలో అత్యధిక మార్కులు పొందిన విద్యార్థిని విద్యార్థులకు. (Cell No: 9849801490.)
పేరు : 1.M.Shyamalika BA (OL) – III SKT Rs. 2250/- 2.
2. శ్రీ గుడిపూడి ఉమాశంకర్ తమ తల్లిదండ్రుల స్మారకచిహ్నంగా పాఠశాలనుండి కళాశాలకు వచ్చి P.D.C. 1st Year లో అత్యధిక మార్కులు సాధించిన పేద బ్రాహ్మణ విద్యార్థికి గాని బ్రాహ్మణేతర విద్యార్థికి గాని రూ.35000/- లు నగదు పై వచ్చే వడ్డీ Rs.1784/- (Rs.446+446+446+446).
పేరు : తరగతి :
S.Devi – I – PDC TEI
K.Jhansi – I – PDC TEI
Ch. Kiranmai – PDC TEI
A.Manikumar Reddy – PDC TEI
3. శ్రీ గుడిపూడి పాండురంగ విఠల్ గారు పేద విధేయ విద్యార్థికి ప్రోత్సాహక వేతనముగా ప్రతి సంవత్సరం రూ.30000/- ల పై వచ్చే వడ్డీ Rs.1500/- (Rs.500 +500+500). (Cell No: 944093976)
పేరు : తరగతి :
1 K. Simhareddy – III – BA-SKT
T. Alekhya – III – BA-SKT
K. Sai Sruthi – III – BA-SKT
4. శ్రీ వల్లూరి పార్ధసారధిరావు గారు PDC స్థాయిలో ఇంగ్లీష్ నందు అత్యధిక మార్కులు సాధించిన విద్యార్థులు ఇద్దరికి రూ. 558+558 = Rs.1116.
పేరు : తరగతి :
1A.Nitya Santoshini – II – PDC – TEL
2 D.Vani – II – PDC – TEL
5. శ్రీ ప్రసాదవర్మ కామఋషి గారు డిగ్రీ స్థాయిలో మరియు PDC స్థాయిలో ప్రత్యేకంగా తెలుగులో అత్యధిక మార్కులు సాధించిన ఇద్దరు విద్యార్థులకు ప్రధానము చేయు రూ.1116 + 1116 మరియు P.D.C స్థాయిలో 558/- + 558/- ల నగదు బహుమతి. (Cell No:9441274034).
పేరు : తరగతి :
1 S.Usha Rani – III – BA – SKT
2 K. Jeeva Kumar – III – BA – TEL
1 P.Lakshmaiah – I – BA – SKT
2 A. Nitya Santhoshini I – BA – TEL
6. శ్రీ ఐ.హనుమబాబు గారి స్మారక చిహ్నంగా సేవా కార్యక్రమాలలో స్వచ్చందంగా పాల్గొన్న విద్యార్థినీ విద్యార్థులకు వారి కుమారుడు శ్రీ ఐ.కృష్ణశర్మ గారు అందించే ప్రోత్సాహక నగదు బహుమతి ఇద్దరికి Rs. 2232/- (1,116/- + 1,116/-) Cell No – 9490245437
పేరు : తరగతి :
1K.Bhagavanulu – III – BA – SKT
2 Ch. Raju – III – BA – TEL
ఆత్మరక్షణ విధానాలను విద్యార్థినులు తెలుసుకోవాలని నాగజ్యోతి, విజయలక్ష్మి మహిళా పోలీసులు వివరించారు. మహిళలు ధైర్యంగా విపత్తులను ఎదుర్కోవాలని హితవు పలికారు. చట్టప్రకారం నిందితులను శిక్షించడంలో మహిళలు తమవంతు కర్తవ్యం నిర్వహించాలని తెలిపారు. పోలీసు యంత్రాంగం మహిళల రక్షణకు అధిక ప్రాధాన్యం ఇస్తున్నట్లు సోదాహరణంగా వివరించారు. ఆత్మరక్షణ పద్ధతులను ప్రయోగాత్మకంగా తెలిపారు. కళాశాల ప్రిన్సిపాల్ డా.బి.యల్ సుగుణ, అధ్యాపకులు యల్. మృదుల, యమ్. కవిత తదితరులు కార్యక్రమంలో పాల్గొన్నారు.
విజ్ఞానాన్ని ప్రసాదించే గురువులను పూజించడం ఒక గొప్ప కార్యమని అన్నారు. గురుపౌర్ణమి సందర్భంగా ఓరియంటల్ కళాశాలకు ప్రముఖ సాహితీ -వేత్త ప్రవచన కళానిధి శ్రీ మల్లాప్రగడ శ్రీమన్నారాయణ మూర్తి గారు విచ్చేశారు. శుక్రవారం అన్నపూర్ణాలకు సమావేశమందిరంలో జరిగిన గురుపౌర్ణమి సమావేశంలో ఆయన మాట్లాడుతూ గురువును పూజించడం ధర్మమని వివరించారు. కళాశాల కరస్పాండెంట్ ఎ.వి.ఆర్ అంజనేయప్రసాద్ గారు అధ్యక్షతన వహించారు. ఈ కార్యక్రమంలో కళాశాల ప్రిన్సిపాల్ డాక్టర్ సుగుణగారు సంస్థ పెద్దలు దినకర్ గారు పాల్గొన్నారు. సమాజానికి దిశానిర్దేశం చేసే గురువును పూజించడం ప్రథమ కర్తవ్యమని సోదాహరణంగా వివరించారు. గురువు ప్రాధాన్యతను వివరిస్తూ గ్రంథాల నుండి ఎన్నెన్నో విశేషాలకు వివరించారు. అజ్ఞానాన్ని తొలగించి జ్ఞానాన్ని ప్రసాదించే గురువును గౌరవించాలన్నారు. ఈ కార్యక్రమంలో శ్రీ బ్రహ్మండం రవీంద్రరావు, వసుంధర అక్కయ్య, సంస్థ పెద్దలు N. లక్ష్మణరావు గారు పలువురు పెద్దలు, విద్యార్థినీ విద్యార్థులు పాల్గొన్నారు.
సమాజాన్ని సంస్కారవంతంగా ధర్మపథంలో నడిపించగల ప్రతిభ ఒక్క గురువుకే ఉందని శంకారానంద గిరి స్వామి తెలిపారు. 5/9/2017 బుధవారం ఉపాధ్యాయ దినోత్సవం సందర్భంగా మాతృశ్రీ ఓరియంటల్ కళాశాలలో జరిగిన గురుమహాత్సవంలో ఆయన ముఖ్యఅతిథిగా పాల్గొని వక్తగా ప్రసంగించారు. కళాశాల ప్రిన్సిపాల్ డా॥ఎ. సుధామవంశీ అధ్యక్షతన జరిగిన ఈ కార్యక్రమంలో ఆయన మాట్లాడుతూ అహంకారం, ఆత్మవంచన లేక శిష్యులందరినీ సమదృష్టితో చూసేవాడే నిజమైన గురువన్నారు. తాను ఆచరిస్తూ, ఆచరింపజేసేవాడే ఆదర్శ గురువని తెలియ జెప్పారు. తెలుగు ఉపన్యాసకులు కోటయ్యగారు మాట్లాడుతూ గురు ప్రాశస్త్యాన్ని తెలియజేశారు. కళాశాల, పాఠశాలల విద్యార్థినీ విద్యార్థులు గురువులకు నమస్కరిస్తూ ప్రసంగాలు చేశారు. ఈ కార్యక్రమంలో సంస్థ పెద్దలు. ఎస్. లక్ష్మణ రావు, దినకర్ గారు, పాఠశాల ప్రధానోపాధ్యాయులు కొండముది ప్రేమ్ కుమార్, అధ్యాపక, అధ్యాపకేతర సిబ్బంది పాల్గొన్నారు.
అహంకార మమకారాలను తొలగించుకుంటే స్వధర్మాన్ని నెరవేర్చుకోవచ్చు . ” స్వధర్మే నిధనం శ్రేయః ” అని భగవద్గీతలో చెప్పిన వాక్యాన్ని శ్రీ బొప్పూడి రామబ్రహ్మం గారు వివరించారు. 22-7-2017 సోమవారం మాతృశ్రీ ఓరియంటల్ కళాశాలలో భగవద్గీత – లైఫ్ స్కిల్స్’ అనే అంశంపై జరిగిన ఉపన్యాసంలో ఆయన మాట్లాడుతూ భగవద్గీత లోని అనేక విషయాలు నిత్యజీవితంలో పాటించ గలిగితే జీవనం సుగమం అవుతుందని సోదాహరణంగా వివరించారు. కళాశాల ప్రిన్సిపాల్ డా. సుధామ వంశీ గారి అధ్యక్షత జరిగిన ఈ కార్యక్రమంలో 1986 సం॥ నాటి పూర్వ విద్యార్థులు పాల్గొనటం విశేషం. భగవద్గీత మహోన్నతునిగా తీర్చి దిద్దగలదని స్వీయానుభూతులైన ఎన్నో అంశాలను ఉదహరిస్తూ రామబ్రహ్మం అన్నయ్య ప్రసంగించారు. విద్యార్థులంతా అమ్మ తత్వాన్ని అలవరచుకోవాలని తెలియ చెప్పారు. ఈ కార్యక్రమంలో అధ్యాపకులు, అధ్యాపకేతర సిబ్బంది పాల్గొన్నారు.