by MOC IQAC | Dec 26, 2024 | Guest Lecture
మాతృశ్రీ ఓరియంటల్ కళాశాల సంస్కృతవిభాగం తరుపున 26-12-2024 గురువారం రోజున అతిథి ఉపన్యాసం ఏర్పాటయింది. ఉస్మానియా విశ్వవిద్యాలయం సంస్కృత విభాగం Head of the Department Prof. విద్యానంద ఆర్య విచ్చేసి సంస్కృతభాష అధ్యయనం – ప్రయోజనాలు అనే అంశంపై ప్రసంగించారు. వీరు ఆధునిక సమాజంలో సంస్కృతభాషపై జరుగుతున్న వివిధ రకాల పరిశోధనలను తెలిపి భావితరాలకు అందబోతున్న సదవకాశాలను గురించి సవివరంగా తెలియజెప్పారు. అంతేకాక లక్షల సంవత్సరాల నుండి ఉనికిని కలిగి ఉన్న సంస్కృత భాష అన్నిభాషలకు మాతృభాష అనీ, సంస్కృతభాషలో ఉచ్చారణ పరంగా, ప్రాంతాల వారీగా, దశాబ్దాలవారీగా గానీ ఏవిధమైన మార్పులు జరగలేదనీ తెలిపారు. ప్రాంతీయ భాషాలు వివిధ దశలలో వివిధ రకాల మార్పులు సంతరించుకుంటుంటాయని సకలభాషలకు తల్లివంటిది కనుక ప్రతిభాష సంస్కృతం నుండే పుట్టిందని తెలిపారు. కళాశాల ప్రిన్సిపాల్ డా. అన్నదానం హనుమత్ప్రసాద్ గారి అధ్యక్షతన జరిగిన ఈ సభను సంస్కృతవిభాగాధ్యక్షులు డా. ఆర్. వరప్రసాద్ గారు నిర్వహించగా డా. వి. త్రయంబకం గారు వందన సమర్పణ గావించారు.
by MOC IQAC | Dec 11, 2024 | Special Days
గీతాజయంతి ఉత్సవాలు
11.12.2024, బుధవారం మార్గశిర శుద్ధ ఏకాదశి గీతా జయంతి సందర్భంగా మాతృశ్రీ ఓరియంటల్ కలశాలతో MOU కుదుర్చుకున్న వివిధ పాఠశాల, కళాశాలల విద్యార్దులకు సెమినార్ హాల్లో భగవద్గీత పోటీలు నిర్వహించబడ్డాయి. మధ్యాహ్నం అందరింటి ఆవరణలో ఉన్న తి.తి.దే కళ్యాణమండపం లో ఏర్పాటు చేయబడిన సమావేశంలో ముఖ్య అతిథి గా డా. ఉషారాణి సంకా, ఆత్మీయ అతిథి బొప్పూడి రామబ్రహ్మంగారు, కరస్పాండెంట్ జి. రాఘవేంద్రరావు గారు, సిద్ధార్థ ఇంగ్లీష్ మీడియం హైస్కూల్ కరస్పాండెంట్, గోరంట్ల వెంకన్న ఓరియంటల్ కళాశాల యాజమాన్యం వారు పాల్గొన్నారు. సభాధ్యక్షులు, కరస్పాండెంట్ గోగినేని రాఘవేంద్రరావు గారు వచ్చే ఏడాది భగవద్గీత పోటీలు మండల స్థాయి జిల్లా స్థాయిలలో నిర్వహించే ప్రయత్నం చేస్తామని తద్ద్వారా సంస్కత భాషా సేవతో పాటు ఉత్తమ సంస్కారాలు కలిగిన పౌరులను తయారు చేసే ప్రయత్నం చేస్తామన్నారు. ప్రిన్సిపాల్ డా. అన్నదానం హనుమత్ ప్రసాద్ గారు ప్రసంగిస్తూ భగవద్గీత ఎప్పుడు పుట్టింది? ఎందుకు మనం ఇంత వైభవంగా ఒక గ్రంథాన్ని జయంతి గా ఏర్పాటు చేసుకున్నాము? అని సవివరంగా చెప్పారు. అనంతరం ముఖ్య అతిథి డా. ఉషారాణి గారు మాట్లాడుతూ విద్యార్ధులందరూ భగవద్గీత నేర్చుకొని భావితరాలకు మన సాంస్కృతిక వారసత్వాన్ని అందజేయాలని ఈ గ్రంథం మనల్ని సన్మార్గంలో నడిపించే సూచిక అని వివరించారు. అనంతరం ఆత్మీయ అతిథి బొప్పూడి రామబ్రహ్మం గారు భగవద్గీత 18 అధ్యాయంలో ఒక్కొక్క శ్లోకం ఒక్కొక్క అస్త్రం లాంటిది అనీ, స్థితప్రజ్ఞత అంటే ఏమిటో ఆధార శ్లోకాలతో తెలియజేశారు. గీతా జయంతి సందర్భంగా వివిధ పాఠశాలల్లో మరియ కళాశాలలో నిర్వహించిన పోటీల్లో విజేతలుగా నిలిచిన వారికి బహుమతి ప్రదానం జరిగింది. పోటీలలో పాల్గొనడానికి విద్యార్థులను ఉత్సాహపరిచి ఆ యా పాఠశాల మరియు కళాశాలల నుండి విద్యార్థులతో పాటు ఉపాధ్యాయులు ఈ కార్యక్రమానికి విచ్చేసి తమ సంతోషాన్ని తెలియజేశారు. ఈ కార్యక్రమానికి SVJP Trust ఎంతో సహాయ సహకారాలను అందించింది. రామబ్రహ్మం గారు ప్రథమ ద్వితీయ స్థానాలలో నిలిచిన వారికి గీతా మకరందాన్ని అందించారు. అలాగే ప్రతి విద్యార్థికి భగవద్గీత పుస్తకాలను అందించారు. SVJP Temples Trusty శ్రీ కె. సాయిబాబా గారు అతిథులను అమ్మ ప్రసాదం తో సత్కరించారు. మాతృశ్రీ ఓరియంటల్ కళాశాల సంస్కృత విభాగ అధ్యక్షులు డా. ఆర్. వరప్రసాద్ గారు ఈ కార్యక్రమాన్ని నిర్వహించారు. సంస్కృత ఉపన్యాసకులు వల్లూరి త్రయంబకం గారు వందన సమర్పణ చేశారు. శాంతిమంత్రంతో కార్యక్రమం ముగిసింది.
On December 11, 2024, Wednesday, on the occasion of Githa jayanthi (Margashira Shuddha Ekadashi), Matrusri Oriental College organized Bhagavad Gita competitions for students from various schools and colleges with which it has MOUs. The morning session was held in the seminar hall. The afternoon session took place at TTD Kalyanamandapam, with Dr. Usharani Sanka as the chief guest, and esteemed guests including Boppoodi Ramabrahmam, Correspondent G. Raghavendra Rao, and management representatives from Siddhartha English Medium High School and Gorantla Venkanna Oriental College.
Correspondent Gogineni Raghavendra Rao highlighted plans to expand the Bhagavad Gita competitions to mandal and district levels next year, emphasizing the importance of promoting Sanskrit and nurturing cultured citizens. Principal Dr. Annadanam Hanumath Prasad delivered a detailed address on the origin and significance of celebrating the Bhagavad Gita Jayanti.
Dr. Usharani encouraged students to learn and uphold the cultural heritage through the teachings of the Bhagavad Gita. Boppoodi Ramabrahmam explained the importance of each verse in the 18 chapters of the Gita, equating each to a powerful weapon and elaborating on “sthitaprajna”.
Prizes were awarded to winners from various schools and colleges. The event was supported by SVJP Trust, and Dr. Ramabrahmam distributed copies of the Bhagavad Gita to all participants. SVJP Temples Trustee K. Saibaba honored guests with prasadam. The program, organized by Dr. R. Varaprasad, concluded with a peace chant.
by MOC IQAC | Dec 7, 2024 | Uncategorized
BASIC LIFE SUPPORT
మాతృశ్రీ ఓరియంటల్ కళాశాల విద్యార్థులు చదువుతో పాటు సామాజిక స్పృహ కలిగి ఉండాలని సమాజంలో తాము ఒకరమని ఎప్పుడూ గుర్తుపెట్టుకొని బాధ్యత కలిగి ప్రవర్తించాలనే ఉద్దేశంతో మాతృశ్రీ ఓరియంటల్ కళాశాలలో మాతృశ్రీ మెడికల్ సెంటర్ మరియు శ్రీ విశ్వజననీ పరిషత్ ట్రస్ట్ వారు 7-12-2024 , 8-12-2024 శని ఆదివారాలలో రెండు రోజుల పాటు Basic Life Support అనే అంశంపై వర్క్ షాప్ జరిగింది. Assistant Professor Dr. Y Ashok (Anesthesiology) Educational Consultant, Ramesh Hospitals and team ఈ వర్క్ షాప్ ను నిర్వహించింది. ఈ వర్క షాప్ లో 120 మంది విద్యార్థులు అధ్యాపకులు మరియు మెడికల్ సెంటర్ టీమ్ పాల్గొన్నారు. డా. అశోక్ గారు తమ అనుభవంతో కూడిన లెక్చర్ ఇస్తూ రెండు రోజుల పాటు ఉదయం మనం మన చుట్టూ ఉన్న వారిని ఎలాంటి అత్యవసర చికిత్స చేయగలమో తెలిపారు. మధ్యాహ్నం ప్రతి విద్యార్థి చేత ప్రాక్టికల్ గా ఎలా Cardiac Arrest అయిన వారికి CPR చేయవచ్చో వివరించారు. Heart Attack కి Cardiac Arrest కి మధ్య ఉన్న తేడాను గమనించి ఎలా సరైన సమయంలో స్పందించాలో తెలియజెప్పారు. మనం చేసే ప్రయత్నం ఒక నిండు జీవితాన్ని నిలబెడుతుందనే స్పృహ తో మనం ఆలోచన చెయ్యాలని చెప్పారు. విద్యార్థులందరి చేత ప్రాక్టికల్ గా CPR చేయించి వారిని అభినందిస్తూ CERTIFICATES అందించారు. మాతృశ్రీ మెడికల్ సెంటర్ బృందం Dr. జ్ఞానప్రసూన, Dr. ఇనజ కూమారి గార్లు ఈ కార్యక్రమాన్ని ఏర్పాటు చేశారు. సంస్థ పెద్దలు శ్రీ యమ్. దినకర్ గారు ఈ కార్యక్రమం లో పాల్గొని ఈ కార్యక్రమం ఏర్పాటు పై తమ సంతోషాన్ని వ్యక్తపరిచారు. రామయ్య, భువనేశ్వరి, చాముండేశ్వరి కార్యక్రమంలో పాల్గొన్నారు.
by MOC IQAC | Dec 1, 2024 | Cultural
కార్తీక వన సమారాధన
మాతృశ్రీ ఓరియంటల్ కళాశాల విద్యార్థులు ప్రతి ఒక్కరూ మైత్రీ భావంతో మెలిగేందుకు మానసిక ఉల్లాసాన్ని కలిగిస్తూ పలు క్రీడా , సాంస్కృతిక కార్యక్రమాలు నిర్వహిస్తుంది. ఈ యేడాది డిసెంబరు 1, ఆదివారం నాడు కార్తీక వనసమారాధన ను ఏర్పాటు చేశారు. ప్రాచీన కవుల కావ్యాలలో మనం చూసే ప్రకృతి వర్ణనలు పరిశీలించినట్లయితే వారు భావితరాలకు అందించిన దివ్యౌషధాల సమాహారం తెలుస్తుందని కనుక ఈ సమారాధన లో ఎన్నో ఆరోగ్య సంబంధ విషయాలు
ఇమిడి ఉన్నాయని కళాశాల ప్రిన్సిపాల్ డా. అన్నదానం హనుమత్ప్రసాద్ విద్యార్థులకు తెలియజెప్పారు. సామూహికంగా ఇటువంటి కార్యక్రమాలు నిర్వహించడం వలన విద్యార్థులను సమైక్యంగా ఉంచడం, చైతన్య వంతులుగా చేయడమే లక్ష్యమని వివరించారు. కార్యక్రమంలో SVJP TRUST పెద్దలు సాయిబాబా గారు, దినకర్ గారు పాల్గొన్నారు. పూజానంతరం అధ్యాపకులు విద్యార్థులు స్నేహపూరిత వాతావరణంలో భోజనాలు పూర్తి చేశారు. సాయంత్రం విద్యార్థినీ విద్యార్థులకు ప్రత్యేకంగా ఆటల పోటీలు నిర్వహించారు.
by MOC IQAC | Dec 1, 2024 | AIDS, Awarness Programs
WORLD AIDS DAY
ప్రపంచ ఎయిడ్స్ దినోత్సవం సందర్భంగా మాతృశ్రీ ఓరియంటల్ కళాశాలలో డిసెంబరు 1వ తేదీ ఆదివారం సభాకార్యక్రమాన్ని ఏర్పాటు చేశారు. సభాధ్యక్షులు, కళాశాల ప్రిన్సిపాల్ డా. అన్నదానం హనుమత్ప్రసాద్ గారు ప్రసంగిస్తూ ఎయిడ్స్ రావడానికి కారణాలు, నివారణమార్గాలు విద్యార్థులకు తెలిపారు. అనంతరం చరిత్ర ఉపన్యాసకులు పి. సుందరరావు గారు ఎయిడ్స్ వ్యాధి ప్రపంచ వ్యాప్తంగా ఎలా వ్యాపించి ఉందో గణాంకాలతో తెలిపి అతి త్వరలో ఎయిడ్స రహిత ప్రపంచంగా మారడానికి అందరూ కృషి చేయాలని, ఆ వ్యాధి లక్షణాలు ఉన్నవారిని భయపడకుండా నివారణోపాయాలను తెలియజెప్పాలని పిలుపునిచ్చారు. కార్యక్రమంలో విద్యార్థులు సాహిత్, మీనాక్షి, శ్రీలక్ష్మి ఎయిడ్స్ వ్యాధి నిర్మూలనకు తీసుకోవలసిన జాగ్రత్తలను చక్కగా వివరించారు. అనంతరం కళాశాల మైదానం లో విద్యార్థులు, అధ్యాపక అధ్యాపకేతర సిబ్బంది అందరూ కలిసి మానవహారం నిర్వహించారు. అంతే కాక జిల్లెళ్ళమూడి గ్రామప్రజలకు అవగాహన కల్పించేందుకు అందరూ ర్యాలీ గా గ్రామంలో పర్యటించి గ్రామస్థులకు అవగాహన కలిగించారు.
ఈ కార్యక్రమంలో భాగంగా కమీషనరేట్ ఆప్ కాలేజియేట్ వారి ఆదేశాల మేరకు విద్యార్థులకు పోష్టర్ పెయింటింగ్, పెయింటిగ్, రంగవల్లుల పోటీలు ఎయిడ్స్ మహమ్మారి నిర్మూలన ప్రతిబింబించేవిధంగా పోటీలు నిర్వహించబడ్డాయి.
