MATRUSRI ORIENTAL COLLEGE, JILLELLAMUDI
LIBRARY ORIENTATION PROGRAMME – ON 30 July 2024
From 4.30 pm – 5.30 pm
Venue: Digital Class Room
Response:
35 Students
5 Faculty members
Objective of the Programme:
To explain to readers regarding:
A. Library Resources
B. Library Services
C. Explain to the readers – HOW TO USE THE CATALOGUE and
D. How to pick up a book of choice from among a large collection.
This was the first opportunity to use DIGITAL CLASS ROOM to conduct Readers Orientation Programme. It made considerable impact.
Power Point Presentation was presented by Mrs Ramya Reddi, Librarian.
The brief Library Orientation Programme was very impressive. Reaction of audience was very satisfactory.
Today’s activity in MOC Library – HOW TO WRITE ARTICLES TO JOURNALS? GUIDANCE SESSION by Shri M S Sarat Chandra Kumar from 3 pm – 5 pm to enthusiastic young writers.
2023 ఆగస్టు 6వ తేదీన మాతృశ్రీ ఓరియంటల్ కళాశాల వ్యవస్థాపక దినోత్సవం టిటిడి కళ్యాణ మండపంలో వైభవంగా జరిగింది. కరస్పాండెంట్ శ్రీ గోగినేని రాఘవేంద్రరావు గారు, శ్రీ విశ్వజననీ పరిషత్ ట్రస్టు సభ్యులు శ్రీమతి బ్రహ్మాండం హైమ, శ్రీమతి బి.వి. సుబ్బలక్ష్మి గారు, శ్రీ ఎం. దినకర్ గారు పాల్గొన్నారు.
ఈ సందర్భంగా శ్రీ కొండముది సుబ్బారావు గారు సంకలనం చేసిన ‘అమ్మ వెలిగించిన దివ్య దీపం’ అనే గ్రంథమును శ్రీ బ్రహ్మాండం రవీంద్రరావు అన్నయ్య గారు ఆవిష్కరించారు. శ్రీ లక్కరాజు సత్యనారాయణ గారు, శ్రీ కొండముది సుబ్బారావు గారు, శ్రీ బొప్పూడి రామబ్రహ్మం గారు, కాలేజీ మేనేజింగ్ కమిటీ కన్వీనర్ శ్రీమతి సుబ్బలక్ష్మి అక్కయ్యగారు, ఆల్ ఇండియా రేడియో విశ్రాంత మ్యూజిక్ ప్రొడ్యూసర్ శ్రీ మోదుమూడి సుధాకర్ గారు, మేనేజింగ్ ట్రస్టీ శ్రీ పి. గిరిధర కుమార్ గారు తమ సందేశాలు అందించారు.
ఈ కళాశాల విశిష్టతను గుర్తించి విద్యార్థులు ఈ అవకాశాన్ని సద్వినియోగం చేసుకుని ఉత్తమ పౌరులుగా రూపొందాలనీ, ఈ కళాశాల విశ్వ విద్యాలయంగా అభివృద్ధి చెందాలనీ, పూర్వ విద్యార్థుల అపూర్వ కృషి సాటిలేనిదనీ రామకృష్ణన్నయ్య సేవలు మరపురానివనీ ఈ కళాశాలను అభివృద్ధి చేయటమే అమ్మసేవ అనీ వక్తలు వివరించారు.
పెద్దలు శ్రీ తూనుగుంట్ల త్రిలోక అప్పారావు గారిని పూర్వ విద్యార్థులు ఆత్మీయంగా సత్కరించారు. పూర్వవిద్యార్థి సమితి పక్షాన సర్వశ్రీ కె. శేషాద్రి, డి. భాస్కర రావు, డి.జగదీష్, ఎమ్. శివప్రసాద్, యస్.భవానీశంకర శర్మ గార్లు తమ అనుభవాలను తెలియజేశారు.
మాన్య సోదరులుశ్రీ అప్పారావుగారు సముచితరీతిలో తమ స్పందన తెలియచేశారు. ఈ సందర్భంగా కళాశాలలో వివిధ పోటీల్లో విజేతలైన విద్యార్థులకు బహుమతులు అందజేశారు. ప్రిన్సిపాల్ డా. అన్నదానం హనుమత్ప్రసాద్ గారు సభాకార్యక్రమాన్ని నిర్వహించారు. సంస్కృత ఉపన్యాసకులు డా. ఆర్. వరప్రసాద్ గారు వందన సమర్పణ చేశారు.
సాయంత్రం విద్యార్థులు సమర్పించిన సాంస్కృతిక కార్యక్రమాలు, విశిష్ట అతిథి శ్రీ మోదుమూడి సుధాకర్ గారి సంగీత విభావరి రసరంజకంగా సాగాయి.
శ్రీ సుధాకర్ దంపతులకు సహకార వాద్య బృందానికి పరిషత్తువారు అమ్మ ప్రసాదాన్ని అందించారు. శాంతిమంత్రంతో కార్యక్రమం ముగిసింది.
మాతృశ్రీ ఓరియంటల్ కళాశాల ప్రిన్సిపాల్ (ఇన్ ఛార్జ్) పదవికి సంస్కృత అధ్యాపకులు డా. అన్నదానం హనుమత్ ప్రసాద్ గారిని నియమిస్తూ కళాశాల పాలకవర్గం ఉత్తర్వులు జారీ చేసింది.
ఈ నియామకం 2023 జూన్ 5వ తేదీ నుంచి అమలులోకి వచ్చింది.
కళాశాల కరస్పాండెంటుగా మన కళాశాల పూర్వ విద్యార్థి (1980-1985), పూర్వ విద్యార్ధి సమితి అధ్యక్షులు శ్రీ గోగినేని రాఘవేంద్ర రావుగారిని పాలక వర్గం ఎంపిక చేసింది. శ్రీ రాఘవేంద్రరావుగారు 2023 జూన్ 26వ తేదీన ఈ బాధ్యతను స్వీకరించారు.
అమ్మ దివ్యానుగ్రహంతో డా. హనుమత్ ప్రసాద్ గారి సారథ్యంలో, శ్రీ రాఘవేంద్రరావుగారి నాయకత్వంలో కళాశాల అభ్యుదయపథంలో పురోగమించ గలదని ఆకాంక్షిస్తూ..
హనుమత్ ప్రసాద్ గారికీ శ్రీ రాఘవేంద్ర రావుగారికీ అభినందన పూర్వక శుభాకాంక్షలు అందిస్తున్నాము.
కళాశాల పునఃప్రారంభం : 2023-24 విద్యా సంవత్సరంకి గాను 5-06-2023 సోమవారం ఉదయం అమ్మ ఆలయంలో ప్రత్యేక పూజలు నిర్వహించారు. కళాశాల పున:ప్రారంభం కానున్న నేపథ్యంలో విశ్వజననీ మేనేజింగ్ ట్రస్టీ శ్రీ పి. గిరిధర కుమార్ గారు, టెంపుల్స్ మేనేజింగ్ ట్రస్టీ యమ్. దినకర్ గారు, ప్రిన్సిపాల్ డాక్టర్ అన్నదానం హనుమత్ప్రసాద్ గారు మరియు అధ్యాపక బృందం విద్యార్థినీ విద్యార్థులతో కలిసి లలితా సహస్రనామ పారాయణ చేశారు. అమ్మ తీర్థప్రసాదాలు స్వీకరించి కళాశాల పురోభివృద్ధికి అందరి తోడ్పాటు అవసరమని ప్రిన్సిపాల్గారు ఈ సందర్భంగా తెలియజేశారు.
ప్లాస్టిక్ నివారణ – పర్యావరణ పరిరక్షణ : జూన్ 5 ప్రపంచ పర్యావరణ దినోత్సవం సందర్భంగా జూన్ 6వ తేదీ మంగళవారం ప్లాస్టిక్ నివారణ – పర్యావరణ పరిరక్షణ అనే నినాదంతో మాతృశ్రీ ఓరియంటల్ కళాశాలలో సభాకార్యక్రమాన్ని ఏర్పాటు చేశారు. కళాశాల NSS UNIT తరపున జరిగిన ఈ సభను NSS కో ఆర్డినేటర్ జి. రాంబాబు గారు నిర్వహించారు. ప్రిన్సిపల్ డాక్టర్ అన్నదానం హనుమత్ప్రసాద్ గారు అధ్యక్షత వహించారు. ప్రిన్సిపల్గారు అధ్యక్ష భాషణను చేస్తూ పాంచభౌతికమైన ఈ శరీరం ప్రకృతితో మమేకమై ఉన్నదని కనుక ప్రకృతి పరిరక్షణ మనందరి కర్తవ్యం అని తెలిపారు. శ్రీ జి. రాంబాబు, శ్రీ కె.సత్యమూర్తి, డా.యల్.మృదుల, శ్రీమతి ఎమ్.కవిత, శ్రీ ఆర్.వరప్రసాద్ ప్రభృతులు పర్యావరణ పరిరక్షణ ఆవశ్యకతను విశదీకరించారు. కార్యక్రమంలో భాగంగా అధ్యాపకులు విద్యార్థులతో కలిసి కళాశాల ప్రాంగణంలో మొక్కలను నాటారు. అనంతరం పర్యావరణ పరిరక్షణ నినాదాలతో కళాశాల నుండి ర్యాలీగా బయలుదేరి జిల్లెళ్ళమూడి గ్రామ ప్రజలకు చైతన్యాన్ని కలిగించేలా ముందుకు సాగారు
మాతృశ్రీ ఓరియంటల్ కళాశాలలో 2022 2023 నూతన విద్యా సంవత్సరం ప్రారంభం అయింది. ఈ సందర్భంగా 15.6.2022వ తేదీ ఉదయం 10గంటలకు శ్రీ అనసూయేశ్వరాలయంలో అమ్మకు అర్చన జరిగింది. SVJP ట్రస్టు పెద్దలు పాల్గొన్నారు. కరస్పాండెంట్ డా. బి. ఎల్. సుగుణ గారి ఆధ్వర్యంలో అధ్యాపక, అధ్యాపకేతర బృందాలు, విద్యార్థినీ విద్యార్థులు ఈ కార్యక్రమం నిర్వహించారు.
